Sjónligur høvuðsstaður í Frankfurt

Bókaglaðir týskarar á stóru bókamessuni í Frankfurt fáa nú eina orsøk til at kunna seg um føroyska høvuðsstaðin.


Hóast høvuðsstaðurin ikki er umboðaður við persónum á føroyska básinum á bókamessuni í týska býnum, so er okkara Tórshavnar býur kortini sjónligur á heimasíðuni, har ið týskarar og øll onnur kunnu lesa um føroyskar bøkur. Henda heimasíða er gjørd í sambandi við messuna í Frankfurt.


Tórshavnar kommuna hevur latið framleitt ein stuttan film um Havnina á týskum máli við júst tí fyri eyga at vekja áhuga millum týskarar fyri Føroyum og føroyska høvuðsstaðnum á hesi bókamessu. Filmurin er til taks á føroysku bókaheimasíðuni, bæði á týskum og eisini á enskum.


Kovboyfilm hevur framleitt filmin, ið eisini er tøkur á YouTube.** Bókamessan í Frankfurt fer fram í døgunum 12.-16. oktober 2011.


Leinkjur:


Heimasíða um føroyskar bøkur á týskum:


http://www.faeroeischebuecher.com/


Heimasíða um føroyskar bøkur á enskum:


http://www.faroesebooks.com/


Filmklipp um Tórshavn á týskum:


http://youtu.be/QdU6lBU6g30


Filmklipp um Tórshavn á enskum:


http://youtu.be/JqaJN065Qk8


Heimasíða um bókamessuna í Frankfurt:


http://www.book-fair.com/en/