Álit viðvíkjandi klagu um partvíst innlit
Umboðsmaðurin hevur viðgjørt eina klagu um avgerðina hjá Fíggjarmálaráðnum um partvíst at nokta klagaranum innlit í fundarfrágreiðingina millum Løgmansskrivstovuna, Innlendismálaráðið, Arbeiðsmarknaðareftirlønargrunnin og Fíggjarmálaráðið um Eysturoyartunnilin.
Fíggjarmálaráðið grundaði avgerðina á, at talan var um innanhýsis frágreiðing, sum einans var ætlað til egna nýtslu, og at ongar upplýsingar vóru um veruligar umstøður av stórum týdningi fyri málið, sum innlit skuldi latast í. Hesum hevði umboðsmaðurin onga orsøk at finnast at.
