Hoyringin er liður í Universal Periodic Review (UPR) tilgongdini hjá ST. Hetta er ein tilgongd, har øll ST limalond lata eina frágreiðing inn og síðani skulu fyri Mannarættindaráðið at eftirmeta mannarættindastøðuna í landinum.

Í mun til aðrar frágreiðingar, sum taka útgangsstøði í einum einstøkum mannarættindasáttmála, fevnir hendan frágreiðingin um allar ST mannarættindasáttmálar.

Føroyar lata serstakt ískoyti til frágreiðingina saman við Danmark og Grønlandi, har atlit verða tikin til, hvat kemur fram á hoyringsfundinum 27. mai.

Fyrsta føroyska UPR frágreiðingin varð latin ST í 2011, og hon kann takast niður her: http://www.lms.fo/media/6435/upr-fr%C3%A1grei%C3%B0ing.pdf

Føroyska ískoytið er á s. 19 – 22.

Almenna tiltakið verður í Posthúskjallaranum . Møguleiki er fyri deyvatulki, og heitt verður á fólk um at boða frá, um tørvur er á hesum í seinasta lagi 26.mai á info@tinganes.fo.