Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Facebook svarar spurningum frá norðurlendsku dátueftirlitunum

Facebook hevur nú svarað spurningunum, sum norðurlendsku dátueftirlitini í felag hava sett Facebook.

Svarið kann lesast her

http://www.datatilsynet.no/upload/Dokumenter/utredninger%20av%20Datatilsynet/From%20Facebook%20-%20Norway-DPA.pdf

Tað var á norðurlendskum dátueftirlitsfundi í Finnlandi í vár, at avgerð varð tikin um at senda Facebook nakrar spurningar. Nú hevur Facebook svarað spurningunum og í svarinum frá Facebook er lagt upp til ein dialog millum Facebook og norðurlendsku dátueftirlitini.

Fundur verður eftir ætlan millum partarnar í seinnu helvt av oktober. Dátueftirlitið ætlar at brúka nýggju vitanina um Facebook í tí dagliga virkseminum, har vit javnan viðgera fyrispurningar frá fólki um Facebook. Vit fylgja við gongdini í málinum.

Norðurlendsku dátueftirlitini hava ikki heimild at geva Facebook beinleiðis áleggingar og hava heldur ikki eftirlitsheimild í mun til Facebook, sum í dag hevur sítt høvuðssæti í Ìrlandi og tí er fevnt av írskari lóggávu.