Fleiri myndir: Nólsoyarbørn á kunningarferð
Tá mann býr í Nólsoy, men er partur av Tórshavnar kommunu, so er einki meira rímiligt enn at skúlin ger eina ferð inn í býin av og á, so næmingarnir eru heilt kunnaðir um, hvat fyrifyrst.
Ein dagsvitjan av slíkum slag er rættiliga umfatandi. Børnini vitjaðu sjálvandi í Íshøllini. Aftaná vóru tey gestir hjá kommununi, fyrst í kantinuni í gamla posthúskjallaranum, síðan vitjaðu tey ráðhúsið og so býráðssalin, har borgarstjórin greiddi frá ymsum.
Minkurin var sjálvandi tikin fram í hesum sambandi, men hesi væluppdrignu børnini fingu eisini eina innføring í, hvussu kommunala arbeiðið fer fram í tí dagliga, og borgarstjórin hevði úr at gera at svara spurningum. Aftaná fingu tey gávur, eitt nú endurskin.
Kelda: www.torshavn.fo
