Fyrstu flutt inn á Boðanesheimið
Emma Winther, fyrrverandi kommunulækni, var fyrsta búfólkið, ið flutti inn á Boðanesheimið. Løtu seinni komu hjúnini Poula og Jógvan Christiansen.
Umframt tey trý var ætlanin, at Jógvan Joensen (í Innbúgv) skuldi flyta inn í kvøld.
Ein lítil drekkamuður var á heiminum í dag, tá leiðarin Jóngerð Guttesen, starvsfólkini, Heðin Mortensen, borgarstjóri, og Jóan Petur Hentze, trivnaðarstjóri, heilsaðu uppá starvsfólk og fyrstu innflytararnar.
Heimið er nú liðugt og stendur vakurt og jólapyntað, klárt at taka ímóti. Jóngerð Guttesen, leiðari, sigur, at vónandi flyta 24 fólk inn áðrenn jól.
