Tíðindaskriv:

Listakvinnan Astrid Andreasen - ið eisini var statistur í filminum - fekk tað hugskot, at brúka skegg og hár til eitthvørt. Hoyr her í videoklippinum, hvat tað gekk út uppá. 

 

Astrid Andreasen, listakvinna, fyllir 70 ár 31. juli 2018.

Í hesum sambandi verður stór heiðursframsýning í Müllers Pakkhúsi frá 4. august – 19. august 2018. 

Stigtakarar og samskiparar til framsýningina eru Jórunn Dánialsdóttir og Jóan Pauli Poulsen.

Astrid er føroysk listakvinna, ið er fødd og uppvaksin í Vestmanna. Hon hevur arbeitt og arbeiðir við list í breiðum týdningi. Hon hevur gjørt eina røð av listaverkum og hennara list prýðir nógvar stovnar og fyritøkur í Føroyum. Eisini hevur hon gjørt nógv frímerkir og nógvar tekningar av livandi verum, sum finnast í Føroyum, fuglar, fiskar, tara osfr. Sí ein lista yvir hennara listaverk her: http://www.mynd.fo/astrid-andreasen.html

Astrid arbeiðir við 

• Tekstil - herundir áseyming, binding, hekling, baldýring, veving

• Vatnlitum/akryl

• Blýantstekningum - herundir vísindaligum illustratiónum

• Metal

• Klip

• Steinprent

 

Verið vælkomin til framsýningina í Müllers Pakkhúsi frá 4. august – 19. august 2018. Tað verður bæði ein heiðursframsýning og ein framsýning við listaverkum hjá Astrid Andreasen, sum verða til sølu.