Lisitatión: Miðnámsskúli á Kambsdali
BYGGING: Klokkan 14 í dag var lisitatión á Landsverki í sambandi við um- og útbygging av Miðnámsskúlanum á Kambsdali. 15 arbeiðstakarar hava bjóðað.
Boðið varð út í fakarbeiðstøkum við møguleika fyri alternativt at bjóða upp á allar arbeiðstøkur í høvuðsarbeiðstøku. 15 arbeiðstakarar bjóðaðu seg fram at gera arbeiði, har av 2 bjóðaðu upp á høvuðsarbeiðstøku.
Lægstu tilboð upp á fakarbeiðstøkur eru hesar:
- Jørð, kloakk, betong- og stálarbeiði: kr. 7.655.000 Búsetur
- HVS og ventilatiónsarbeiði: kr. 2.040.000 Zacharias Leitisstein
- El-arbeiði: kr. 1.036.000 El-trygd
- Timbur-, snikkara-, blikkarbeiði og byggipláss: kr. 9.979.000 Heildarverk
- Múraraarbeiði: kr. 1.184.000 Almúr
- Gólvarbeiði: kr. 1.086.000 Jim S gólválegging
- Málaraarbeiði: kr. 425.000 Málarameistari Signar á Fríðufløtum
Lægstu tilboð samanlagt á fakarbeiðstøkum (sum omanfyri) var í alt kr. 23.407.000.
Lægsta tilboð í høvuðsarbeiðstøku eigur Heildarverk við kr. 23.761.000.
Metingin fyri samlaðu verkætlanina er kr. 22.891.000
Landsverk fer nú at taka støðu til innkomnu tilboðini.
Um verkætlanina verður sagt, at sum liður í framtíðar samstarvinum millum Handilsskúlan á Kambsdali og Studentaskúlan og HF-skeiðið í Eysturoy, er ynski at savna umsitingina og felagshentleikarnar undir einum taki. Sum nú er, eru høliumstøðurnar á skúlunum ikki nøktandi, og har er ikki pláss fyri øllum næmingunum.
Útbyggingin skal tryggja, at framtíðar hølistørvurin verður nøktaður.
