Listavika hjá 10. flokkunum í Valskúlanum

Valskúlin, sum heldur til í Skúlanum á Ziskatrøð og fevnir um allar 10. flokkarnar í Norðoyggjum, hevði í farnu viku eina sonevnda listaviku, har næmingarnir burturav royndu seg fáa høvi at royna seg í málingalist, myndlist, smíð, sniðgeving og seyming.

Í málningalist hevur skúlin heitt á listamenninar Archibald Black og Helga Midjord um at leggja lag á undirvísingina.

Í myndlist er tað Eyðbjørn Jacobsen sum er lærari, ið eisini er hollur myndamaður. Í smíð eru tað Ólavur Sjúrðarberg og Tummas Joensen og húsavørðurin Gert W. Jensen, sum undirvísa og í sniðgeving og seyming er tað Marita Sigurdardóttir, sum er lærari, har ymisk pløgg verða seymað til prýðilig klæðir.

Í smíðtímunum hava næmingarnir gjørt lampur, knívar, ymiskt úr horni og modellskip.

Tað var nógv prát og gott lag á øllum næmingunum, tá ið vit vóru framvið á vitjan. Næmingunum dáma væl handaligu fakini, har sanniliga eisini ber til at royna hugflogið – og tað høvdu teir gott.

Kelda: www.klaksvik.fo