Hugskotið kemur úr USA, har granskarar og onnur fara at gera vart við týdningin av vísindum og at granskingargrundað vitan verður nýtt í samfelagnum. Tað verður lagdur serligur dentur á, at vísindi ikki kenna nøkur mørk og at styrkin er fjølbroytni og opinleiki.

Sambært stigtakarunum er 'March for Science' fyrsta stigið í eini alheims rørslu til at verja týðandi leiklutin, sum vísindi hava fyri heilsu, trygd, búskap og stjórnir okkara.

Tiltakið verður í fleiri enn 500 býum undir yvirskriftini ’Science, no silence.’

Hug at vera við?

Tað er ikki lýst við nøkrum tiltaki í Føroyum, men til ber at verða við á netinum. Tú kanst skráseta teg á heimasíðuni ‘March for Science’: https://www.marchforscience.com/

Ert tú uttanlands eru ríkir møguleikar at vera við. 

Í Danmark verður ‘March for Science’ í Aarhus og København. Sí her: http://www.marchforscience.dk/?lang=da 

Í Íslandi verður ‘March for Science’ í Reykjavík. Sí her: http://lifvisindi.hi.is/node/1347

Í Noregi verður ’March for Science’ í minsta lagi sjey støð. Sí her: http://marchforsciencenorway.com/

Í Svøríki verður ’March for Science’ í minsta lagi fimm støð. Sí her: https://www.marchforscience.se/

Ein grein er í Videnskab.dk um ‘March for Science’ í dag. Sí her: http://videnskab.dk/kultur-samfund/forskere-demonstrerer-hvis-niels-bohr-levede-ville-han-deltage

  

Ert tú við til tiltakið, verður heitt á teg um at brúka #marchforscience á Instagram og Twitter.