Mynd: Ólavur Frederiksen, Faroephoto
Leygarkvøldið fingu teir miðbýin í Havn uppá kók, og í kvøld kl. 20 fer MC-Hár á pall á Maggies, hetta er fyrstu ferð í longu søguni hjá bólkinum, at teir spæla í Nólsoy.
Høvið fyri Nósloyartúrin er, at føroysku rapp/rokk pionerarnir fylla 25 ár.
MC-Hár fer at spæla løg úr lagaskjáttini, umframt sjálvandi aktuella staklagið Exit Tórshavn, ið hevur verið nógv at hoyrt í útvarpi, siðan tað kom út. So um tú ikki fekst framførsluna á Tórsfest við, ella bara hevur hug at hoyra meira av MC-Hár, so er hetta eitt gylt høvi.
Fúlu rapp/rokkararnir spæla nakrar heilt fáar konsertir í sambandi við 25 ára haldið, og ein av hesum verður í intimu kørmunum hjá Maggies. Hetta verður ein serlig uppliving av einum bólki, ið best er kendur frá stóru konsert pallunum.
Mynd: Ólavur Frederiksen, Faroephoto
