Tað vísir kanning, sum Spyr.fo gjørdi fyri Kringvarpið týskvøldið 19. februar 2018.

Helmingurin hugdu beinleiðis í sjónvarpinum, fjórði hvør hugdi á netinum og restin hugdu, tá sendingin bleiv endursend sunnukvøldið. Í eini stigatalvu frá 1 til 5 fekk fyrsti partur 3,9 stig í miðal frá hyggjarunum, ið má sigast at vera eitt gott skoðsmál.

Hagtølini frá heimasíðuni hjá Kringvarpinum staðfesta eisini góðu undirtøkuna, tí higartil hava sløk 14.000 hugt eftir sendingini á netinum. Longu fyrsta døgnið høvdu áleið 9.000 hugt á netinum. 

”Vit vóru greið yvir, at hetta evnið hevði áhuga millum føroyingar, men vit høvdu ikki roknað við so stórari undirtøku”, sigur Johnny í Grótinum, kringvarpsstjóri. ”Eg fegnist serliga um, at hyggjararnir sum heild eisini eru væl nøgdir við dygdina í sendingini. Sendingin hevur eisini elvt til rímiliga nógv kjak í almenna rúminum, sum eisini er eitt tekin um, at vit hava fingið lýst og viðgjørt eitt viðkomandi evni.”

Nágreiniligu hyggjaratølini síggjast í talvuni og grafinum niðanfyri.

Komandi hóskvøld verður annar partur í sendirøðini sýndur í sjónvarpinum og tøkur á netinum. Eftir triðja part tann 1. mars verður ein steðgur í sendirøðini til 5. apríl, tá fjórði partur verður sýndur. 

Spurningar í kanningini:                                 Sera illa   Illa   Hvørki   Væl  Sera væl  Veit ikki

Hvat dámdi tær…                                      Miðal       1         2    3      4         5  

…javnvágina millum sjónarmiðini í sendingini? 3,6   11%    9% 20% 20%       34%       6%

...leiklutin hjá vertinum Heina í Skorini?         3,7     9% 11% 16% 20%       41%       3%

...sendingina sum heild?                                 3,9     5% 7% 18% 28%       40%       2%

Sást tú fyrsta part av sendingini ”Gud signi Føroyar”?