Tey høgraradikalu
Tey høgraradikalu
(Brot frá 1940 - 2012)
Heilini hoyrdust í høllum
stavnamaðurin yvir øllum
vísti høgravegin langa
øll skuldu ganga.
Einligar kvinnur við børnum
skýrdar vórðu horur
og børn teirra óektað.
Vorðin sum móttøka
av ósekum Guðsgivnum gávum.
Nakrar máttu rýma
og føða uttanlanda,
og fleiri føldu seg noyddar
at lata børnini frá sær,
til ókunnug fólk
uttan at síggja tey aftur
fyri at fáa frið
fyri teimum "reinu "-
ið ikki einans kastaðu fyrsta steinin,
men allar steinarnar
til eingin var eftir.
Seinri límaðu tey síður í skúlabókum
- við kunning um kynslívið -
og fortaldu m.a. ,
um fólk , ið búðu í steinum -
ikki mansins, men í stórum steinum
sum sløddust í haganum.
Vegføringin varð mangan broytt,
so tey forniski kundu fáa frið.
Vitan var ofta tillátursgjørd og fjald,
tí hon hótti og hóttir høgra,
ið byggir kúganina á fávitsku,
yvirtrúgv og lygnir.
T.d. fekst vitan um havsins loynidómar
einans við at pissa í saltan sjógv
varð sagt
og ikki við lesna, sum var av tí ónda.
Vøo. niðara høvdið bar krónuna.
Kanska høgraføroysk fallostilbiðjan?
Kvinnufrígerðingina varð sett
á svartalista.Hattadamur og kvinnurheima við børnum og kjøtgrýtum
undirbrotligar, men altíð til reiðar
at nøkta mansins tørv
var idealið.
Og tey stuðlaðu høgraherum
- í kríggi kring allan knøttin -
ið framdu pínu og neyð
hungur og hall
og dráp á tey civilu
kvinnur og børn
gomul og sjúk.
Helviti á jørð.
Apartheid fekk fullan stuðul
við stavnamanninum á odda.
Søguligir skamblettir
fyri okkum sum fólk.
Hildu og halda seg vera útvald.
Og yvir øllum. ``Uber alles.
Aids varð skýrt Guðs straffur,
og hítin varð bannlýst.
Kanska var aids eitt av teim mongu
biologisku vápnunum, ið eru skapt
í "Guðs egna landi"? Og ikki av einum óndum høgra -Guði?
Hvør veit?
Og nú er túrurin aftur komin
til tey øðrvísi sexsuelt orienteraðu,
sum tey "reinu" elska at hata og "steina".
Hellige enfold.
Óndskapurin tykist ongan enda at taka.
Og júst í hesum døgum sita høgraradikal
á hægstu rókum
og ogna sær og sínum tað jarðiska góðsið
meðan tey dríta á fólkið og
grava fíggjarligar og sosialar gjáir
har eingin skal kunna koma yvirum.
Eins og við Lázarus og ríka manninum?
Tankavekjandi.
Á gerningunum skalt tú fólk Mítt kenna
varð sagt á sinni.
Sostatt kann staðfestast,
at tey høgraradikalu
umboða eina ónda makt,
sum ikki tykist at vera av hesum heimi.
Kúgan, hatur og forfylging
í staðin fyri,
sum skrivað stendur:
Børn míni, elskið hvørt annað.
Ein góð gerð
- sum eisini hevði verið fult í tráð við boðið,
- hevði tí verið,
at steðgað hesum óndskapinum,
og tað ongantíð ov skjótt.
Latum okkum ti - í dag heldur enn í morgin -
taka lógvatak saman
leggja alt í Harrans hendur
og síðani fara til verka
móti høgraradikala óndskapinum
hvør eftir sínum førimuni
og ikki helma í
fyrr enn hann er bastur.
Mai 2012
Dagfinnur Danbjørg.
