Borgarstjórin var á vitjan á dagstovninum, har Nicolina og Jacobina arbeiði. Hann helt stutta røðu og handaði viðurkenningar og gávur frá býráðnum. 

Heðin Mortensen takkaði fyri drúgva arbeiðið, sum tær báðar hava útint fyri Tórshavnar kommunu. Hann vísti á, at kommunan leggur stóran dent á dagstovnaøkið, og at allir stovnarnir eru dagførdir og styðja undir námsfrøðiliga arbeiðið í dagsins samfelag. 

Bæði starvsfólk og borgarstjórin fegnast eisini um, at farið verður undir at byggja nýggjan dagstovn í Kollafirði, sum fer at liggja við Botnánna. Tá verða pláss fyri 80 børnum á sama stovni. 

Á dagstovninum millum Bóla ganga 18 vøggustovubørn og 17 barnagarðsbørn.