Nú ber til at fylgja við á felags heimasíðuni hjá Føroya landsstýri, hvørji uppskot hjá landsstýrinum eru send til ummælis.

Talan er um ein felags pall, har borgarar, fakfeløg, politikarar, fjølmiðlar og onnur støðugt kunnu fylgja við, hvørji uppskot tey átta stjórnarráðini senda til ummælis.

Endamálið við at savna øll uppskotini á einum staði er at tryggja størri opinleika í lóggávuarbeiðinum hjá landsstýrinum.

Leinkjan til uppskotini, ið eru til ummælis, er her: http://www.foroyalandsstyri.fo/landsstyrid/uppskot-til-ummaelis/