Jógvan Arge fyri og/ella ímóti
09. Jun 2015
Havnarfólk kenna søguna. Seinasta stóra havnaútbyggingin í Havn var liðug í 1997, tá uttasti partur av Molanum varð breiðkaður. Síðan er bygt út í Kollafirði og á Oyrareingjum. Men ikki so leingi gekk áðrenn tað varð staðfest, at tað ikki var nóg djúpt framvið eystara mola, at innsiglingin var ov lítil, at keiplássið - serliga um summarið - var ov avmarkað, at økið til trailarar og bingjur var ov lítið, at økið til pakkhús var ov lítið, og at økið til avgreiðslu av ferðafólki og bilum var ov lítið.